Gjaldeyrisviðskipti

Stundargjaldeyrisviðskipti eru skilgreind sem viðskipti með tvo gjaldmiðla þar sem gengi er ákvarðað á viðskiptadegi og uppgjör fer fram eftir tvo eða færri daga.

Viðskiptavakar á gjaldeyrismarkaði samkvæmt reglum nr. 600/2020 eru þrír; Arion banki, Íslandsbanki og Landsbankinn.

Viðskipti allra innlendra fjármálafyrirtækja annarra en viðskiptavaka á millibankamarkaði, lífeyrissjóða og Seðlabanka Íslands. Viðskipti á milli Kviku banka og hinna viðskiptabankanna eru í þessum flokki þar sem Kvika er ekki viðskiptavaki samkvæmt reglum nr 600/2020.

Undir önnur innlend fjármálafyrirtæki í birtingu á gjaldeyrisviðskiptum falla:
• Innlánsstofnanir aðrar en viðskiptavakar
• Tryggingafélög
• Lánafyrirtæki
• Fjárfestingabankar
• Greiðslukortafyrirtæki
• Fjármögnunarleigur
• Verðbréfafyrirtæki
• Verðbréfa-, fjárfestingar- og fagfjárfestasjóðir

Innlendur aðili merkir sérhvern einstakling sem hefur lögheimili á Íslandi og lögaðila sem skráður er til heimilis á Íslandi, án tillits til ríkisfangs. Undanþegnir búsetuskilyrðum eru námsmenn og starfsmenn sendiráða. Þannig teljast íslenskir námsmenn og skyldulið þeirra sem búa erlendis vera innlendir aðilar og erlendir sendiráðsstarfsmenn teljast til erlendra aðila. Erlendur aðili merkir alla aðra aðila en innlenda.